Vueling suprimirá a conexión Santiago-Roma

A compañía Vueling deixará de operar a conexión de Santiago de Compostela co aeroporto romano de Fiumicino a partir da próxima primavera.

Así o confirmaron fontes da empresa, que explican que esta decisión se debe á "situación económica do mercado europeo".

En concreto, remiten a explicacións dadas pola firma nos pasados meses respecto desta situación europea e a necesidade de efectuar "axustes", que neste caso afecta á terminal de Lavacolla.