Último concerto de Nao tras 14 anos de historia
Celebrarase este sábado en Amio, Santiago de Compostela.
Por E.P. | SANTIAGO DE COMPOSTELA | 07/12/2019 | Actualizada ás 10:45
Case 2.000 persoas asistirán este sábado ao último concerto da banda Nao, que se celebrará no recinto feiral de Amio, en Santiago de Compostela.
Tras 14 anos de historia, o grupo despedirase así dos escenarios, cun recital no que estará acompañado de máis dunha vintena de colaboracións.
Entre outros artistas, participarán Picchio (Banda Bassotti), Sabela Ramil (OT), Pauliña, Gabri (Dakidarría), Luken Arkarazo, Iago Pico, Vituco Neira, Carlos Gillino, Xiana Lastra, Roi Xesteira e a banda Odolaren Mintzoa.
Manuel Varela estará á fronte do acordeón no acústico, Carlos Narts ao teclado, Inés Duport ao violoncello e o tres ventos de Dakidarría tamén formarán parte desta festa.
