Temas: ANA PONTóN BNG

Pontón enmarca nunha "decisión técnica" a presenza do BNG no grupo con Junts, Más País e Compromís no Congreso

Considera que "un grupo mixto con 21 deputados e 11 grupos" non ía ser operativo e que a "capacidade de actuación ía ser moi pequena".

Por Europa Press / Redacción | SANTIAGO DE COMPOSTELA | 12/12/2019 | Actualizada ás 19:16

Comparte esta noticia

A portavoz nacional do BNG, Ana Pontón, enmarcou nunha "decisión técnica" a presenza do Bloque Nacionalista Galego no grupo parlamentario do Congreso rexistrado xunto a Junts per Catalunya, a coalición de Más País e Equo e Compromís.

Ana Pontón
Ana Pontón | Fonte: BNG.

Preguntada respecto diso nun acto en Bruxelas, a xefa de filas dos nacionalistas galegos explicou que este feito responde a unha "decisión técnica" ao considerar que "un grupo mixto con 21 deputados e 11 grupos" non ía ser operativo e que a "capacidade de actuación ía ser moi pequena".

"Na práctica, significa dividir o grupo mixto, pero mantendo a nosa independencia de criterios. Non é unha cuestión de alianza política en termos ideolóxicos", incidiu.

Nesta liña, destacou que un grupo múltiple "no que hai unha diversidade moi importante desde o punto de vista ideolóxico" permitirá "defender mellor os intereses de Galicia" e "ter máis presenza en comisións e máis intervencións en pleno".

Acompañada polo edil do BNG nas Pontes, Francisco da Silva, Pontón viaxou a Bruxelas para reunirse coa directora de Mercados de Carbono en Europa e Internacionais, Beatriz Yordi.

Temas: ANA PONTóN BNG
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 13 comentarios

5 denerio

O postureo do congreso, ao final pintan algo?

4 Xoana

Deberían ir con EU, claro... Eses si que son leais, mira Anova que contenta se lle ve con eles. Ata Eva Solla xa lle propón xuntarse e formar unha nova coligazón. Por qué non llo proporán ao Bloque...

1 Frecha

Ninguén lle propón nada ao Bloque porque son uns lacaios do poder protexidos por La Vox de Galicia e que só se entenden co PSOE e agora, polo visto, co partido de Errejón.

2 Xoana

Desde logo, porque EU e o PCE (xunto co seu sindicato CCOO, que por enésima vez vén de vender á clase cun día dixo defender) non son, foron e serán lacaios do poder. Non llo propón ao Bloque porque lle di que non é non, como xa antes facía Beiras. EU inténtao de novo con Anova, que está como está, e con Podemos, que compre dicir que tampouco forma parte do poder (español) e xamais pacta co PSOE. Reflexionando un pouco, se o Bloque é como ti dis, igual estarían mellor con eles! Mais saben que a porta está pechada

3 Xanc

Gamela, entendo que se rebaixan as peaxes da AP9 pedirás disculpas por todo o v.neno que levas soltado contra o Secretario Xeral da UPG... E ti seguirás pagando o mesmo prezo sen rebaixa... Non vaia ser que te beneficies do logro dun partido con 1 deputado (BNG). Por certo, pregúntalle aos teus compañeiros da Complutense PodemoSOE, por que nunca falaron no Congreso da AP9 e agora critican que o faga o aldeano Rego?

2 LKI

"Decisión técnica"? Reparto de cartos, chámase.

1 Gamela

Decisión técnica chámase agora... Seica non teñen sitio no grupo de ERC ou no grupo de EH-Bildu (logo de regalarlle os votos dos galegos para sentar no Parlamento Europeo) ? Sempre nos pasa o mesmo: imos de solidarios e logo "si te he visto, ni me acuerdo" !

1 Realpolitik

Pasa can!

2 Gamela

Ouvear ouveades... pero os dentes sonche postizos e haberá que roelo ! non si...?

3 Pesaoooo

Neste documento tes detallados os votos que lles regalaron os galegos a ERC e EHB, a ver se deixas de mentir. ¿Ou crés que con 170.000 se pode ter unha eurodeputada toda a lexislatura? https://app.juntaelectoralcentral.e... Todos os días ca mesma matraca, no sei que che farían

4 Gamela

A ver se tí es quen de explicarnos con detalle estes resultados: a Coalición (ERC + Bildu + BNG) co 5,64% dos votos, acadan 3 escanos no PE. E á hora de constituirse os grupos cada un deles vai a un grupo político diferente (GUE/NGL) (Verdes/ALE) (No Inscritos) Pito pito gorgorito ? E por suposto Ana Miranda sigue de BECARIA pois non aparece como deputada e xa veremos o que sucede aló polo 2023 (Listo!) https://europarl.europa.eu/election...

5 Pesaoooo

Resposta a Gamela: A coalición é puramente electoral, cada electo vai ó grupo do que forme parte o seu partido. En GUE/NGL está o representante de EHB, en Greens/EFA a representante de ERC e o non inscrito é Oriol Junqueras porque aínda non lle deixaron recoller a súa acta. Os deputados poden cambiar de grupo cando queiran. Por rotación a Ana Miranda tócanlle os dous últimos anos (a lexislatura dura 5), e cando tome posesión adscribirase ó grupo Greens/EFA independentemente de que a quen lle toque facer correr a lista. Na pasada lexislatura, cando foron en Coalición EHB e BNG, o candidato de EHB estivo en GUE/NGL e cando Ana Miranda tomou posesión cambiou a GUE/NGL. Non entendo onde está o problema.

6 Gamela

Problema ningún, pero dado que cada quen pode mudar de grupo ao seu antollo, digo eu porque non se practica o mesmo sistema no Congreso en Madrid? Así Nestor Rego tería oco en calquera dos grupos constituidos (EH-Bildu) ou (ERC) sen ter que andar a dividir o grupo mixto (?) E máis aínda se cae no de ERC estaría encantado de ter moita maior visibilidade para defender a "República Galega" (UPG) ! Agradezo sinceiramente as túas explicacións do batiburrillo dos grupos no PE (sería ben que o BNG fixera algo de pedagoxía electoral entre os seus votantes, non cres?) Saúde e "República" :-)