Alternativa dos Veciños queda sen representación en Arteixo tras discrepancias co seu único edil

Mentres a formación fala de "expulsión" pola forma de exercer a oposición, Antonio Patiño asegura que el mesmo presentou a renuncia.

Por E.P. | A CORUÑA | 13/12/2019 | Actualizada ás 17:10

Comparte esta noticia

A formación Alternativa dos Veciños queda sen representación no municipio de Arteixo tras discrepancias co que ata agora era o seu único edil, Antonio Patiño, pola forma de exercer a oposición.

Antonio Patiño
Antonio Patiño | Fonte: @RevillaMiguelA

Mentres Alternativa dos Veciños fala de "expulsión", o concelleiro asegura que este xoves presentou a renuncia nun partido no que, segundo informou aos medios de comunicación, concorreu como independente.

Patiño, que avanzou a súa intención de seguir na corporación municipal, neste caso como concelleiro non adscrito, vinculou as "discrepancias" coa súa pretensión de realizar "unha oposición baseada en propostas que favorezan aos veciños e veciñas de Arteixo" e non en buscar "a confrontación persoal e a destrución política do adversario".

Con todo, o presidente de Alternativa dos Veciños e alcalde de Oleiros, Ángel García Seoane, xunto ao secretario xeral, Felipe Louzán, e o coordinador local, Juan Francisco Martínez, denunciaron un "comportamento egoísta e prepotente" por parte do concelleiro.

"Ignorando aos simpatizantes de Arteixo e á dirección do partido e incumprindo o compromiso do programa electoral de realizar unha oposición firme e construtiva". Así, reprocháronlle "despreocupación" polos intereses municipais.

Tamén aseguraron que "non asistiu" a plenos e que "se negou" a reunirse con varias asociacións. Por este motivo, aseguran que se lle requiriu para que entregase a súa acta, ao que aseguran que o edil se negou.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta