Por E.P. | SANTIAGO DE COMPOSTELA | 16/12/2019 | Actualizada ás 18:19
Un total de nove persoas foron identificadas en 47 inspeccións de control de venda e consumo de bebidas alcohólicas e tabaco realizadas en 11 concellos galegos entre os días 9 e 16 de decembro. Nestes controis levantáronse nove actas de infracción.
Diso informou a Vicepresidencia da Xunta nun comunicado, no que explica que os axentes puxeron en marcha a pasada semana un total de 31 dispositivos de control de menores en risco de desamparo nos municipios da Coruña, Ames, Cambados, Lugo, Meis, Poio, Pontevedra, Santiago de Compostela, Sanxenxo, Vedra e Vigo.
Como resultado do dispositivo levado a cabo, foron identificadas nove persoas e levantadas outras tantas infraccións: cinco por consumo do alcol e catro por venda de alcol.
A Vicepresidencia da Xunta lembrou que, desde a entrada en Vigor da Lei de prevención de bebidas alcohólicas entre os menores, a Policía Autonómica leva a cabo diversos dispositivos por toda Galicia para velar polo cumprimento da mesma e previr o consumo deste tipo de bebidas polos menores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.