Morre o último gran guerrilleiro de Galicia, Camilo de Dios

Con só 15 anos integrouse na loita antifranquista e pelexou durante máis de seis décadas ao carón de centos de homes e de mulleres que colleron a xustiza pola man para combater todo un réxime.

Por Galicia Confidencial | SANTIAGO DE COMPOSTELA | 18/12/2019 | Actualizada ás 11:09

Comparte esta noticia

Nado en Sandiás no ano 1932, Camilo de Dios vén de falecer aos seus 87 anos de idade. Con só 15 anos integrouse na loita antifranquista e pelexou durante máis de seis décadas ao carón de centos de homes e de mulleres que colleron a xustiza pola man para combater todo un réxime.

O guerrilleiro antifranquista Camilo de Dios ensina unha foto do seu irmán asasinado durante a Guerra Civil
O guerrilleiro antifranquista Camilo de Dios ensina unha foto do seu irmán asasinado durante a Guerra Civil | Fonte: memoriahistorica.org

Camilo de Dios era o derradeiro guerrilleiro antifranquista que quedaba vivo. Agora deixounos, mais a súa testemuña seguiranos acompañando sempre: coa incertidume sobre o lugar en que podería ficar o corpo do seu irmán abatido no 1950, Camilo de Dios nunca dubidou en arriscar a súa vida pola liberdade. Pasou fame, torturas e frío, foi de cadea en cadea, e 65 anos despois, a Asociación para a Recuperación da Memoria Histórica foi quen de exhumar os restos do seu irmán. Unha das súas maiores vitorias.

O enterro de Camilo de Dios terá lugar este xoves ás 16,30 horas no cemiterio da localidade onde naceu. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta