CGT sinala a supresión de 43 trens de media e longa distancia en Galicia pola folga

A folga de traballadores convocada en Renfe e Adif por CGT levará este venres a supresión de 43 trens de media e longa distancia en Galicia, segundo informou o sindicato.

En concreto, os afectados polos paros en Galicia serán 34 trens de media distancia e nove de longa distancia, aínda que só en determinados tramos.

Entre os máis afectados están a longa distancia con destino a Pontevedra e Vigo, debido a que a composición do 'Tren-hotel' de Madrid desde Monforte a Vigo e os 'Intercity' de Ourense a Vigo non circularán.