Por Europa Press / Redacción | SANTIAGO DE COMPOSTELA | 27/12/2019 | Actualizada ás 14:15
Os accidentes de tráfico provocados por xabarís creceron un 67% en Galicia nos dous últimos anos,segundo se desprende do IV Informe o Centro de Estudos Ponle Freno-AXA de Seguridade Viaria sobre colisións de vehículos contra animais.
Supón o segundo incremento maior entre comunidades, só superado por Asturias (+112%), e está 20 puntos por encima da media de avance en España (+47%). Séguenlles Cataluña e Aragón, con aumento dun 32%.
O conxunto de animais cinexéticos representa o 72% dos accidentes do total, cun notable crecemento do 39% de sinistros respecto ao anterior informe. Para a realización do estudo, analizáronse 8.053 accidentes provocados por colisión con animais no período comprendido entre 1 de novembro de 2017 e 31 de outubro de 2019.
O número de accidentes contra animais incrementouse un 21% debido principalmente ao forte aumento dos sinistros con xabarís que representan o 43 por cento do total de sucesos deste tipo. O can e o corzo intercámbianse a segunda e terceira posición no ranking de animais máis perigosos para a seguridade viaria, debido ao crecemento de accidentes do primeiro (+14%) e ao descenso no caso do segundo (-5%). Este tres animais representan o 83% deltotal de sinistros rexistrados polo Centro de Estudos Ponle Freno AXA.
RESTO DE ANIMAIS CINEXÉTICOS
Por comunidades autónomas, Castela León (26,6%) Galicia (20,5%) e Cataluña (14,1%) son as tres autónomías que rexistran unha maior porcentaxe de sinistros contra animais cinexéticos. De feito, as tres representan o 61% do total.
As tres mencionadas con máis sinistros contra animais cinexéticos mostran patróns diferente. En Castela e León, por exemplo, o corzo é o animal causante de máis da metade dos sinistros (55%) con animais cinexéticos, cunha sinistralidade concentrada, maioritariamente, nos meses de abril a outubro (70%). O xabaril, en cambio, cunha media anual do 32%, supera o corzo como o principal autor dos accidentes nos meses de novembro a xaneiro.
En Galicia, con todo, o xabaril é o animal que ocasiona oito de cada 10 accidentes. O seu impacto concéntrase nos meses de inverno e especialmente en decembro. Igual que en Galicia, Cataluña rexistra unha incidencia case absoluta do xabaril nos accidentes con animais cinexéticos (86%), sendo case inexistente a presenza do resto de animais de caza.
MOITOS ACCIDENTES CON CANS EN MURCIA
Destaca, por singular, o caso de Murcia, comunidade autónoma na que se contabilizan máis accidentes contra cans de toda España, representando o 88% do total de accidentes desta comunidade. Pontevedra iguala a Murcia á fronte das comunidades autónomas con máis sinistros contra animais domésticos, sendo neste caso a segunda con máis accidentes con cans e a primeira con cabalos.
Por días, o domingo é o máis perigoso, rexistrando o 16,1% dos accidentes contra animais, seguido do luns (15%) e do sábado (14,8%). No lado opuestoestá o martes (12,9%), o día con menos probabilidade de sufrir un accidente contra un animal.
A maioría dos accidentes concéntrase durante a noite ou en horas con escasa luz. En concreto, entre as 19 e as 7 horas rexístrase o 59% das colisións. Nesta franxa destaca o feito de que de 00:00 horas a 07:00 se rexistra o 26% dos accidentes, a pesar de ser unha franxa con moita menor concentración de tráfico.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.