Por Europa Press / Redacción | SANTIAGO DE COMPOSTELA | 03/01/2020 | Actualizada ás 11:13
O cidadán portugués de 62 anos de idade desaparecido desde o martes 31 de decembro na zona de Oímbra, na provincia de Ourense, foi localizado falecido na tarde deste xoves.
Segundo informaron fontes do dispositivo de rastrexo, o cadáver foi achado á beira do seu coche, nas proximidades da depuradora no termo municipal de Verín.
Foron efectivos de Protección Civil de Verín, que participaron na procura xunto á Garda Civil e brigadas de Medio Rural do distrito da zona, os que acharon o corpo e avisaron ao Instituto Armado.
A procura centrouse en Oímbra e na zona de monte dos arredores despois de que a familia do desaparecido denunciase a súa ausencia o xoves pola mañá.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.