Galicia, terceiro destino preferido dos madrileños
Así o indica o Estudo de preferencias turísticas dos madrileños elaborado pola Unión Empresarial por la Promoción Turística de Madrid.
Por Europa Press / Redacción | SANTIAGO DE COMPOSTELA | 20/01/2020 | Actualizada ás 15:14
Galicia é o terceiro destino preferido para os madrileños á hora de viaxar dentro de España, segundo o Estudo de preferencias turísticas dos madrileños elaborado pola Unión Empresarial por la Promoción Turística de Madrid.
Entre os destinos estatais preferidos polos madrileños á hora de viaxar, o ranking de Comunidades Autónomas que máis se desexa visitar encabézao Andalucía, seguida de Asturias, Galicia, Cataluña e Cantabria, o que pon manifesto o seu interese pola cornixa cantábrica que inclúe tres comunidades autónomas entre as cinco máis desexadas.
En canto ás visitas realizadas polos madrileños, o ranking vólveo encabezar Andalucía, seguida de Castela e León, Cataluña, Comunidade Valenciana e Galicia, repetíndose os resultados do estudo do ano 2018.
