Por Europa Press / Redacción | SANTIAGO DE COMPOSTELA | 21/01/2020 | Actualizada ás 19:04
O xulgado de primeira instancia e instrución nº3 de Huesca condenou a Flumenali S.L., comercializadora da marca de ovos campeiros Corral de Monegros, por condutas de competencia desleal, tras considerar probado que copiou o deseño da caixa da galega Pazo de Vilane.
En concreto, segundo informa a empresa, o fallo supón un precedente no sector e sinala ao deseño, tamaño e cor como elementos de copia clara da caixa orixinal que Pazo de Vilane puxo no mercado en 1997.
O artista e deseñador Pepe Varro foi o encargado de crear a caixa de ovos camperos de Pazo de Vilane, unha caixa marrón e rectangular a diferenza das habituais alongadas.
O xulgado insta a Flumenale a cesar nesta conduta e prohíbelle a súa reiteración futura, condenándolle ao pago das costas. A pesar diso, a resolución non é firme e contra ela pódese interpor recurso de apelación.
Piedad Varela-Portas, socia de Pazo de Vilane, destacou o "importantísimo recoñecemento" a unha empresa que leva "máis de 20 anos innovando" no sector do ovo campeiro
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.