Por E.P. | SANTIAGO DE COMPOSTELA | 23/01/2020 | Actualizada ás 12:31
O Servizo de Cardioloxía do Hospital Clínico de Santiago de Compostela organiza este venres, 24 de xaneiro, unha xornada para promover a detección precoz da fibrilación auricular na poboación xeral.
Segundo informou a xerencia sanitaria compostelá nun comunicado de prensa, este venres terá lugar no patio de entrada principal do Hospital Clínico.
En concreto, en horario de 10,00 a 14,30 horas, o persoal de enfermaría do Servizo de Cardioloxía impartirá actividades e talleres para ensinar, a quen o desexe, "a controlar a medir a súa frecuencia cardíaca, así como coñecer o seu ritmo cardíaco co obxectivo de detectar a fibrilación auricular", indicaron as mesmas fontes.
A fibrilación auricular (FA) é a arritmia máis frecuente que afecta a máis de 600.000 españois, explicaron as mesmas fontes sanitarias, que engadiron que se calcula que un catro por cento da poboación mundial maior de 40 anos a padecerá no transcurso da súa vida.
Por iso, co fin de sensibilizar sobre a "importancia desta patoloxía", incidiu a xerencia sanitaria compostelá, informarase a todas as persoas que se acheguen ata o patio principal do hospital sobre os factores que favorecen a súa aparición, os efectos que produce sobre o corazón, os síntomas, os tratamentos e outros problemas derivados.
Así mesmo, co fin de reducir o risco de enfermidades cardiovasculares, está previsto, indicaron as mesmas fontes, difundir na pantalla do patio principal vídeos de educación sanitaria para promover hábitos de vida cardiosaludables e concienciar a poboación da importancia de facer exercicio físico regular, deixar de fumar ou seguir unha dieta variada e equilabrada.
Ademais, este mesmo venres pola tarde e o sábado 25 de xaneiro terá lugar a quinta edición do Simposio Santiago Sen Fibrilación Auricular, organizado polo Servizo de Cardioloxía da área sanitaria de Santiago e dirixido a profesionais da sanidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.