Por E.P. | Compostela | 24/01/2020 | Actualizada ás 11:13
Os prezos industriais caeron un 3,1% en decembro en Galicia en relación co mesmo mes do ano anterior, de acordo cos datos que publica este venres o Instituto Nacional de Estatística (IINE). En evolución mensual, en decembro con respecto a novembro, os prezos na industria de Galicia baixaron un 0,9%.
Por tipo de bens, a caída interanual máis pronunciada foi a enerxía, cun 9,1%; seguida a bastante distancia polos bens intermedios, cuxos prezos industriais caeron un 1,1%; e os bens de consumo duradeiro, cun descenso do 0,7%.
No conxunto estatal, os prezos industriais baixaron un 0,5% en decembro en relación ao mes anterior e retrocederon un 1,9% en taxa interanual, moderando en cinco décimas a caída que experimentaran en novembro (-2,4%). Con este recorte interanual, os prezos industriais encadean sete meses consecutivos en taxas negativas despois de estar 32 meses en positivo.
GALICIA, SEXTA COMUNIDADE CON BAIXADA ANUAL MÁIS ACUSADA
A moderación no descenso interanual dos prezos industriais debeuse principalmente ao repunte en seis décimas da taxa de enerxía, ata o -6,5%, pola subida dos prezos do refino de petróleo; ao aumento da taxa dos bens de consumo non duradeiro en cinco décimas, ata o 1,6%, polo maior custo do procesado e conservación de carne e elaboración de produtos cárnicos; e ao incremento en catro décimas da taxa de bens intermedios, ata o -1,4%.
En taxa mensual (decembro de 2019 sobre novembro do mesmo ano), os prezos industriais caeron un 0,5%, en contraste co retroceso do 0,6% do mes anterior e da caída do 1% que rexistraron un ano antes. Esta evolución é consecuencia do descenso mensual de prezos na enerxía (-2%) e os bens intermedios (-0,1%), mentres que os bens de consumo non duradeiro aumentaron os seus prezos no mes un 0,4%.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.