O BNG urxe ao Goberno central a repatriación de estudantes galegos "atrapados" en China

O deputado Néstor Rego, asegura ter recibido "solicitudes de axuda".

Por Europa Press / Redacción | SANTIAGO DE COMPOSTELA | 30/01/2020 | Actualizada ás 18:56

Comparte esta noticia

O deputado do BNG no Congreso, Néstor Rego, urxiu ao Goberno do Estado a repatriación dos estudantes galegos "atrapados" en China tras recibir "solicitudes de axuda" de cidadáns que residen neste país.

Os cidadáns de China protéxense contra o coronavirus
Os cidadáns de China protéxense contra o coronavirus | Fonte: Chinanews.com - Wikipedia.

Rego segura que recibiu "mensaxes alertando da situación de cidadáns galegos que se atopan illados en diferentes rexións do país, e sen que a embaixada española lles preste auxilio".

Destacou que se trata de estudantes que, "ante o peche das universidades previsiblemente ata o mes de marzo", se atopan "sen posibilidades de entrar nas súas residencias habituais" e tampouco poden "volver ao seu país debido á cancelación de voos".

Ante esta cuestión, o deputado preguntou ao Goberno pola situación na que se atopan estas persoas, así como se ten previsto algún plan de repatriación.

Ademais, solicitou responsabilidades ante o abandono que se produciu desde a embaixada española, que "non contesta as chamadas de emerxencia destes cidadáns afectados pola crise que está a sufrir o país a causa do coronavirus", asegurou.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta