Grupo Euskaltel busca elevar mediante R a súa penetración en Galicia do 40% ao 100%

O conselleiro delegado do Grupo Euskaltel, José Miguel García, sinalou que esta empresa busca, a través de R, elevar a súa penetración do 40 ao 100 por cento en Galicia e asegurou que esta comunidade ocupa unha "posición avantaxada" en Europa respecto da introdución de novas tecnoloxías nos ámbitos "residencial e empresarial".

Antes de participar nun encontro con empresarios en Vigo, o conselleiro delegado do grupo que integran Euskaltel, Telecable e R destacou que esta última copa o 30 por cento do mercado dos operadores de telefonía e Internet en Galicia, unha porcentaxe que asegurou que se eleva ao 50 por cento no ámbito empresarial.

Ademais, aínda que recoñeceu as "dificultades" que leva a dispersión para ofrecer servizos de alta velocidade de Internet e a telefonía en todo o territorio, José Miguel García avanzou que o grupo empresarial traballa no desenvolvemento de redes que garanta o "máximo nivel de cobertura" para os galegos en colaboración con outros operadores e institucións como a Xunta.

Deste xeito, incidiu en que R conta con 250.000 clientes en Galicia, onde apuntou que representa o principal operador. Así, avogou por unha expansión do grupo a nivel nacional baseada nun reforzo da marca R en Galicia.