Por Europa Press / Redacción | SANTIAGO DE COMPOSTELA | 11/02/2020 | Actualizada ás 17:02
Os cidadáns que queiran votar por correo nas eleccións ao Parlamento galego poden solicitar ata o día 26 de marzo, en calquera oficina de Correos de España, o certificado da súa inscrición no Censo Electoral de Galicia. A obtención deste certificado é requisito imprescindible para poder emitir o voto por correspondencia.
Segundo informou Correos, esta solicitude debe ser realizada persoalmente por cada elector, agás en caso de enfermidade ou discapacidade acreditadas mediante certificación médica oficial que impida a formulación persoal da devandita petición, puidendo ser presentada en nome do elector por outra persoa autorizada notarialmente ou consularmente.
No momento de formular a solicitude, os interesados deben acreditar que son eles presentando ante o empregado da oficina postal o DNI, pasaporte ou carné de conducir orixinais.
Correos entregará as solicitudes recibidas nas Delegacións Provinciais correspondentes da Oficina do Censo Electoral, quen enviarán aos solicitantes, entre o 16 e o 29 de marzo, a documentación necesaria para que poidan exercer o voto por correo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.