Denuncian irregularidades na concesión dunha casa niño en Punxín

O PSOE de Punxín (Ourense) denunciou as "irregularidades" presentes na concesión dunha casa niño por parte do Goberno local e avanzou que tomará medidas para sacar á luz os motivos que hai detrás desta partida.

A portavoz municipal dos socialistas, Lorena Peleteiro, explicou que a beneficiaria da concesión "non cumpre os requisitos" da convocatoria, ao non residir en Punxín, e que con todo esta lle foi denegada a outra persoa que é veciña do municipio.

"O propio alcalde é coñecedor desta situación", sinalou, para pedir explicacións por negarlle a axuda a unha veciña de Punxín a favor doutra persoa que reside en Ourense, unha decisión "que vai en contra da propia disposición pola que se establecen as bases que rexen as axudas" desta convocatoria.

O grupo socialista presentou un escrito no que solicitan a información e documentación pertinente do expediente de adxudicación da xestión de cásaa niño.