As entradas para o concerto de Mika na Coruña saen á venda este venres

As entradas para o concerto que o cantante Mika ofrecerá o 30 de xullo no Coliseum da Coruña sairán á venda o venres, día 14, segundo informa o Consistorio.

A partir das 10:00 horas, poderanse comprar as entradas en Ataquilla, Eventbrite e no despacho de billetes da praza de Ourense.

O intérprete de 'Grace Kelly' presentará o seu novo traballo 'My Name is Michale Holbrook' dentro dunha xira que percorrerá as principais cidades europeas e estadounidenses e tras máis de dez millóns de discos vendidos ata a data.