Repoboan o Mar de Lira con máis de medio milleiro de crías de bogavante 100% galegas
O obxectivo é que aumente a súa poboación.
Por Europa Press / Redacción | SANTIAGO DE COMPOSTELA | 13/02/2020 | Actualizada ás 19:24
A Consellería do Mar soltou 500 alevíns de bogavante na praia Mar de Lira, no municipio de Carnota (A Coruña), co fin de aumentar a súa poboación.
A directora xeral de Desenvolvemento Pesqueiro, Susana Rodríguez, participou este xoves na solta con alumnos do Instituto Galego de Formación en Acuicultura (Igafa).
Así, búscase a recuperación desta especie na reserva mariña dos Miñarzos. A Xunta incorporou uns 5.200 exemplares de bogavantes ao mar desde 2012, a maioría na costa de Lira.
Os individuos liberados destes crustáceos dun seis centímetros de lonxitude foron cultivados por alumnos no Igafa. Os seus proxenitores son salvaxes e proceden das rías galegas. No traslado ata a praia participaron efectivos de Gardacostas.
