A procura do tripulante desaparecido en Ons céntrase este venres na costa
Con todo aínda hai "mar de fondo importante".
Por E.P. | SANTIAGO DE COMPOSTELA | 14/02/2020 | Actualizada ás 10:10
A procura do tripulante desaparecido tras envorcar un pesqueiro preto das Illas Ons este martes céntrase este venres en zonas de terra do litoral de Ribeira e Muros.
Segundo informou a Europa Press fontes de Salvamento Marítimo, en concreto efectivos de Protección Civil de Ribeira e do Grove centraranse na área de Corrubedo, mentres que Protección Civil de Muros, farao entre Lira e Monte Louro.
Mentres, por mar colabora a embarcación do Servizo de Gardacostas 'Punta Roncadoira', concretou Salvamento Marítimo, porque a previsión no litoral galego é de "mar de fondo importante".
NAUFRAXIO
Sobre as 13,00 horas deste martes 11 de febreiro Salvamento Marítimo recibiu o aviso de que a embarcación 'Rosa', con tres tripulantes, envorcara por un golpe de mar ao norte de Ons. Trátase dun pesqueiro con matrícula de Cambados.
Dous dos tripulantes chegaron a nado polos seus propios medios a terra a Ons, desde onde un, o patrón da embarcación, alertou a Salvamento Marítimo.
