Dous anos de prisión para un médico do Hospital Montecelo por abusos sexuais a pacientes

A Sección Segunda da Audiencia Provincial de Pontevedra condenou en conformidade a dous anos de prisión, tres anos de liberdade vixiada e dúas de inhabilitación profesional a un médico do Hospital Montecelo que abusou sexualmente de tres pacientes.

O xuízo estaba sinalado para este martes, pero non chegou a celebrarse a vista oral porque as partes alcanzaron un acordo polo que este médico, que traballaba no servizo de Reanimación do Complexo Hospitalario Universitario de Pontevedra, recoñeceu este tres casos de abusos sexuais. A Fiscalía pedía inicialmente 13 anos de condena.

O fiscal xefe da provincia de Pontevedra, Juan Carlos Aladro, tivo en conta as atenuantes de dilacións indebidas e a reparación do dano xa que antes do xuízo abonou as indemnizacións que se solicitaban para as tres vítimas, uns 12.000 euros.

Ademais das penas antes citadas o facultativo terá que abonar dúas multas de 5.400 euros e tres anos de prohibición de comunicación cara ás súas vítimas. Este acordo adoptado nos despachos evitou ao médico ter que comparecer en audiencia pública preservando así a súa identidade.

Fontes coñecedoras do caso informaron que esta sentenza suporá que este médico non volverá exercer na sanidade pública xa que ten 63 anos de idade e cando acabe de cumprir a sentenza estará xubilado. Este caso foi iniciado polo Sergas tras pór en coñecemento da Fiscalía as explicacións dadas por unha das vítimas ao solicitar un cambio de médico.

CASOS

Un dos casos que relata o escrito de acusación do Ministerio Público e que recoñeceu como certo o acusado, sucedeu cunha das súas pacientes que foi derivada desde o servizo de traumatoloxía por presentar artrose cervical e epicondilitis do cóbado dereito e, "logo de preguntarlle polo seu estado civil", examinoulle o cóbado e as cervicais e seguidamente, "movido pola intención de satisfacer os seus desexos sexuais e aproveitando a facilidade que lle ofrecía a relación médico-paciente, indicoulle que se deitase na padiola, subiulle o vestido, apartoulle a tanga e introduciulle dous dedos no interior da vaxina sen utilizar luvas de exploración".

Outro dos casos recolleitos pola Fiscalía e admitidos polo procesado tivo lugar en setembro dese ano cando o acusado atendeu na consulta do Hospital Provincial de Pontevedra unha muller que padecía sensación de cansazo nas pernas como consecuencia do tratamento que seguía.

O médico agora condenado indicoulle entón que se espise e, cando procedeu a examinarlle as pernas, "movido pola intención de satisfacer os seus desexos sexuais" fixo tocamentos nos beizos vaginales e o clítoris "motivando que a muller se sentise incómoda e se levantase nerviosa da padiola, ante o cal, o procesado indicoulle que se vestise".

O terceiro caso coñecido produciuse en xaneiro de 2015 cando acudiu á consulta do procesado derivada polo servizo de Traumatoloxía unha muller con dor no pé e nos trapecios. O acusado pediulle que quitase a camiseta e tocoulle os peitos.

Audiencia Provincial de Pontevedra.