Por Xurxo Salgado | Compostela | 11/10/2012 | Actualizada ás 17:13
"Seguir espallando a nosa mensaxe e que os cidadáns coñezan o noso proxecto porque hai moita xente que non nos coñece. Hai que seguir regando a marca e que toda a cidadanía nos coñeza". Esa é o principal obxectivo de CXXI, nestes comicios autonómicos.
"O resto dos partidos discuten sobre quen xestionaría millor pero logo cando chegan ao poder fan o mesmo. Nós non dicimos que xestionariamos mellor o IGAPE como dixeron PP e BNG e logo cando chegaron utilizarono para beneficiar a determinadas persoas e grupos afins. Nós dicimos directamente que imos suprimir este organismo". Son parte dos argumentos electorais desta formación que se presenta nas catro provincias galegas.
"Nós somos unha serie de persoas que estamos en política porque defendemos unha serie de principios que poden convencer ao electorado do PP, pois o noso discurso pode ser atractivo para eles, porque non ten nada de liberal un partido que sube todos os impostos e inventa outros novos e apoia a Taxa Tobin que é da extremaesquerda. Por iso, espero que os liberais que apoiaron ao PP, apoien agora a CXXI", engade.
"Liberais e galeguistas"
CXXI defínese como "liberal e galeguista" e non oculta que "quere pescar votos do PP...e de todos os demais". Estes demais inclúe a CxG, formación de novo cuño, á que Padín acusa de "rebentar" o chamado "Foro polo galeguismo de centro". "Así o recoñeceu o propio Cuíña chamando por teléfono aos integrantes dese foro", sinala.
En todo caso, aclara que CxG non xoga no mesmo terreo político que CxG porque este partido é de "centro-esquerda como se preoucupa o seu líder de dicir", asegura en relación a entrevista de Xoán Carlos Báscuas no GC. "É un partido de centro-esquerda, socialdemocrata que non ten nada de malo. E nin eles se definen como liberais nin o son, maioirmente porque son unha escisión do BNG nun 90% da súa militancia".
CxG e UPyD
"Admitir que o PP ou CxG son liberais é admitir polbo como animal de compañía. Pode haber un sector pequeno pero, desde logo, non era o sector ao que pertencía Cuíña", sinala. E non ten problema en comparar á formación de Báscuas coa de Rosa Díez. "A min recordanme a UPyD porque teñen moitas cousas en común. Din que son un partido socialdemócrata e transversais e logo son un partido nacionalista. Un é galego e o outro español".
Padín insiste en que CCXI representa un "proxecto político distinto". "Nós si que temos ideas e proxectos diferentes e representamos o liberalismo europeo e o liberalismo anglosaxón en Galicia. É a homologación de Galicia aos países máis avanzados do mundo", asegura.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.