Feijóo pide a Ciudadanos que aclare se quere integrarse na lista do PP galego
O presidente do PPdeG insistiu na "proposta" de "sumar na proporcionalidade lóxica" que cada partido ten en Galicia.
- Feijóo insiste na súa estrexia de “non pactar” con Vox a pesar dos achegamentos de Casado
- A cúpula do PPdeG traballa no deseño das listas, que incorporarán conselleiros de Feijóo
Por E.P. | MADRID | 28/02/2020 | Actualizada ás 10:07
O presidente da Xunta de Galicia e do PPdeG, Alberto Núñez Feijóo, instou este venres a Ciudadanos a superar a "situación de impasse" que atravesan internamente para aclarar se queren integrarse na lista do PP galego para as eleccións autonómicas.
Nunha entrevista en esRadio, recollida por Europa Press, Feijóo insistiu na "proposta" de "sumar na proporcionalidade lóxica" que cada partido ten na autonomía. "Estamos nunha situación en que nos gustaría coñecer se quere ou non quere vir", asegurou.
Neste sentido, o presidente galego explicou que o momento que atravesa a formación laranxa, inmersa nun "proceso precongresual" para elixir un novo presidente, fai que a negociación "non sexa fácil".
"O problema é que Ciudadanos fixo unhas primarias para ver quen é o posible candidato aquí", apuntou Feijóo, que lamentou algunhas das "manifestacións" contraditorias dos dirixentes de Cs en Galicia.
"O que din é que os que están na lista de (Inés Arrimadas) queren sumar pero os que están na lista de (Francisco) Igea non queren. Estamos nunha situación de impasse. Imos ver se nos podemos sentar, e niso estamos", resolveu.
