Persoal do Hospital Quirónsalud da Coruña esixe melloras salariais e laborais
O hospital "sofre desde hai tempo un déficit estrutural de persoal en todas as categorías", segundo informa a CIG.
- A CIG radiografía o mercado laboral na era Feijóo: empobrecemento, emigración e precariedade
- Mobilización das autoescolas da provincia de Pontevedra contra as “infrahumanas” condicións laborais
Por E.P. | A CORUÑA | 03/03/2020 | Actualizada ás 19:06
Traballadoras e traballadores do Hospital Quirónsalud da Coruña iniciaron este martes un calendario de mobilizacións para esixir melloras retributivas e que se reforcen os cadros de persoal, segundo informa a CIG.
Nun comunicado, explica que o persoal demanda tamén "rexeitar a discriminación salarial que está a aplicar a empresa en determinadas categorías nun intento de evitar a fuga de profesionais".
Respecto diso, sinala que o hospital "sofre desde hai tempo un déficit estrutural de persoal en todas as categorías", o que vincula coas "condicións laborais e salariais" dos traballadores.
A CIG apostila que a empresa propuxo aos traballadores "abonar un plus fóra de convenio a determinadas categorías nas que estaba a quedar sen traballadores", pero engade que esta proposta "non soluciona os problemas reais do hospital". Tamén sostén que crea "discriminación salarial e incrementa o malestar do persoal".
