Por E.P. | A CORUÑA | 05/03/2020 | Actualizada ás 17:49
O pleno da Coruña rexeitou, cos votos en contra de Marea Atlántica e o BNG, a favor do PSOE e Cidadáns e a abstención do PP, a reordenación do parque do Agra proposta polo goberno local. Ao non obter o apoio necesario, non se puido proceder á aprobación inicial do documento para a modificación puntual do Plan Xeral de Ordenación Municipal da Coruña no ámbito do polígono do citado parque, no que a proposta exposta polo equipo de goberno expuña unha redución da edificabilidade neste ámbito.
Esta proposta tampouco conta co apoio dos veciños, que reclaman que toda o lugar sexa zona verde e que, por este motivo, se concentraron, coincidindo coa celebración da sesión plenaria, ás portas do Palacio Municipal de María Pita.
Marea Atlántica xustificou, tras o pleno, a súa decisión de votar en contra do ordenamento urbanístico para o Parque do Observatorio por entender que, aínda que se "inspira" no proxecto redactado no seu mandato, "ignora todas as alegacións presentadas tanto polos veciños como pola propia Dirección Xeral de Patrimonio da Xunta".
"O noso goberno deixou un proxecto inicial para o parque, moi limitado polas sentenzas xudiciais e a PXOM do vazquismo, pero ten marxe de mellora", expuxo, á súa vez, no pleno, o edil Xiao Varela. Tanto desde Marea Atlántica como desde o BNG denunciouse que a proposta non fose consensuada coas súas respectivas formacións nin cos veciños.
O concelleiro de Urbanismo, Juan Díaz Villoslada, que cuestionou o seu posicionamento, defendeu a proposta do goberno local, insistindo en que se busca "facer a mellor acupuntura posible na zona do Agra".
"Garántese a exclusión do ámbito do Piñeiral, redúcese a edificabilidade e asegúrase un 40% de vivenda de protección oficial", dixo antes de que, finalmente, este asunto non contase co apoio necesario.
Por outra banda, no pleno, o portavoz do goberno local, José Manuel Lage, avanzou que o concello incorporará este ano 38 policías locais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.