Traballadoras de Pull&Bear protestan na Coruña polas súas condicións laborais
Demandan que se amplíen as xornadas a tempo parcial a 40 horas e que se contrate máis persoal.
Por Europa Press / Redacción | A CORUÑA | 06/03/2020 | Actualizada ás 20:06
Traballadoras e traballadores de Pull&Bear concentráronse na Coruña, ante a tenda que a cadea ten na praza de Lugo, para demandar que se amplíen as xornadas a tempo parcial a 40 horas e que se contrate máis persoal.
"Para afrontar a elevada carga de traballo e que se implante un réxime de descansos lóxico e en consonancia co que existe para o resto de marcas do grupo Inditex", sinala a CIG.
Nel, indica que, a pesar de que esta cadea, xunto con Zara, foi onde "se conseguiron os primeiros logros sindicais na mellora das condicións das traballadoras das tendas", agora "o novo responsable de Recursos Humanos négase rotundamente a asumir ningunha das demandas".
Unha das reivindicacións é "acabar coa parcialidade que sofren as traballadoras, xa que a maioría teñen xornadas inferiores ás 40 horas semanais", precisa sobre un dos motivos da protesta.
