Por que usamos o galego para informar?

Co gallo do Día dos Medios en Galego, celebrado o pasado 7 de febreiro, a asociación Amega que os engloba fixo varios vídeos para explicar á sociedade por que usamos a lingua propia para comunicar información.

Rebeca Munín, da revista Pincha; Xoán Costa, responsable da editora Sermos Galiza; Fernando de Paz, da revista Tempos Novos; Ubaldo Cerqueiro, de Que Pasa na Costa; Manel Pardo, de Lindeiros; Henrique Sanfiz, de Radiofusión, e Xurxo Salgado, de Galicia Confidencial, participan neste vídeo, no que explican as súas razóns para informar en galego.