Por Europa Press / Redacción | SANTIAGO DE COMPOSTELA | 09/03/2020 | Actualizada ás 13:54
O alcalde de Santiago de Compostela, Xosé Sánchez Bugallo, volveu facer un chamamento este luns á "serenidade" ante o problema do coronavirus aínda que advertiu dos efectos que este virus pode ter no turismo, especialmente en Semana Santa.
O rexedor considerou que a "alarma" xerada entre a poboación por este virus pode afectar o turismo e chamou a "manter a serenidade" e "seguir todas as indicacións" que faga o Ministerio de Sanidade.
Neste sentido, e tras asegurar que cada falecido por este virus supón unha "desgraza", lembrou que en España se rexistraron ata o momento 17 mortes con coronavirus, fronte ás máis de mil que van por gripe.
"Creo que o que vai pasar co coronavirus, que aínda está en fase ascendente no noso país, todos os indicadores que hai din que probablemente desde finais de marzo, coa chegada da primavera, iniciarase unha etapa descendente", manifestou Bugallo, que sinalou que, á vista diso, "non vai beneficiar" á Semana Santa.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.