Entidades da Coruña recibirán fondos europeos para afrontar a descarbonización
O diñeiro irá destinado a aqueles lugares afectados polo peche de Meirama e As Pontes.
Por E.P. | SANTIAGO DE COMPOSTELA | 12/03/2020 | Actualizada ás 12:56
A provincia da Coruña xa está incluída no Fondo de Transición Xusta da Unión Europea e, debido a esta medida, as entidades locais afectadas polo peche de centrais termoeléctricas de carbón (como as de Meirama e As Pontes) recibirán 7 de millóns de euros procedentes de fondos europeos para "afrontar con garantías a descarbonización".
Desta maneira o anticipou o Delegado do Goberno en Galicia, Javier Losada, á vez que explicou que estas axudas se destinarán á realización de proxectos co obxectivo de "mitigar os posibles impactos negativos a curto prazo".
Así o trasladou Losada ao persoal da térmica das Pontes, a empresa, o concello e a Xunta nun encontro que serviu para actualizar a situación da empresa, precisou o Delegado do Goberno.
O Ministerio xa remitiu á Xunta os protocolos de actuación de Meirama e As Pontes, como un paso previo para activar os convenios de transición xusta en ambas as zonas. Agora deben acordarse as datas para avanzar no seguinte paso, onde se "seleccionarán proxectos de desenvolvemento territorial para xerar emprego de calidade e actividade económica nas zonas".
