A Real Academia Galega pecha os seus servizos presenciais temporalmente polo coronavirus

A Real Academia Galega suspende temporalmente os servizos presenciais da institución en cumprimento das recomendacións sanitarias establecidas pola Xunta con motivo do COVID-19.

A entidade informou de que as instalacións situadas na Rúa Tabernas permanecerán pechadas desde luns ata novo aviso.

Tampouco abrirá as súas portas a Casa-Museo Emilia Pardo Bazán, espazo que xa estaba pechado desde o pasado luns por tarefas de conservación.