Por Galicia Confidencial | SANTIAGO DE COMPOSTELA | 15/03/2020 | Actualizada ás 12:47
A pandemia de coronavirus deixou unha segunda vítima mortal en Galicia, un home de 81 anos con varias patoloxías ingresado no hospital de Montecelo, en Pontevedra, un caso importado que dera positivo, informou na medianoite deste sábado a Consellería de Sanidade.
A primeira falecida por esta pandemia na autonomía é unha muller de 92 con "múltiples patoloxías" que se atopaba no Hospital Povisa de Vigo, na mesma provincia. A anciá dera igualmente positivo na proba e o seu era tamén un casos importados, indicou o departamento autonómico.
O servizo galego de saúde ten a disposición da cidadanía a páxina web coronavirus.sergas.gal, na que se pode consultar información dirixida á poboación, aos profesionais sanitarios e a outros colectivos. EFE
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.