Por Galicia Confidencial | Compostela | 15/03/2020 | Actualizada ás 21:30
Galicia aínda non chegou ao seu peor momento polo contaxio do coronavirus. "Estamos na metade de incidencia de España pero non significa que non teñamos incremento de contaxios", dixo este domingo o presidente da Xunta, Alberto Núñez Feijóo.
Así, confirmou o gran incremento de casos que se deron desde o pasado venres. "O pico de contaxio vai seguir subindo porque o número de persoas que se moveu nos últimos días pois agora é máis vulnerables, aínda que agardo que a confinación nas casas reduza iso dos que viñeron e dos que están aquí", dixo en alusión á xente procedente doutras autonomías, principalmente Madrid.
Con todo, Feijóo evitou responsabilizalos a eles desta situación porque dixo que non eran conscientes. En relación a este pico, tamén destacou que o Sergas ten a disposición créditos para contratación de persoal e calquera servizo sanitario que precise pode contratar persoal. Por iso, non agardar que remate o persoal residente.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.