(Vídeo) Jácome, de paseo por Ourense en pleno estado de alarma
Os movementos están limitados agás para necesidades básicas durante 15 días para frear o coronavirus.
- (Vídeo) As queixas virais dunha perruqueira: "Como gardo un metro de distancia?"
- VÍDEO: Jácome, o 'showman' que exerce de alcalde en Ourense
Por Galicia Confidencial | SANTIAGO DE COMPOSTELA | 15/03/2020 | Actualizada ás 22:15
Un día despois da declaración do estado de alarma que obriga a todas as persoas a gardar corentena nas súas casas para evitar a expansión do coronavirus, o alcalde de Ourense, Gonzalo Pérez Jácome, foi pillado mentres paseaba por Ourense acompañado doutra persoa.
A crisa sanitaria pola que atravesa Galicia e o resto do Estado levou a decretar o estado de alarma a través dun Real Decreto este mesmo sábado. Nel indícase a necesidade de limitar os movementos, agás para necesidades básicas, tales como asistir a centros sanitarios, comprar alimentos, medicamentos ou produtos de primeira necesidade, coidar das persoas que o necesiten pola súa dependencia ou ir a entidades financeiras ou de seguros. Ademais, permítese saír das casas para ir e volver do traballo.
O resto de actividades están prohibidas e desenvolvelas pode acarrexar sancións. Ata o de agora, Galicia rexistra 189 infectados por este virus, 36 máis ca este sábado, e deles, 148 persoas reciben atención dende o seu domicilio.
