Por Galicia Confidencial | A Estrada | 17/03/2020 | Actualizada ás 13:00
O 061 remitiulle unha circular empresa aos traballadores das ambulancias nas que especifica o protocolo de actuación en caso de infección. Un protocolo que está a causar sorpresa e indignación entre os traballadores porque pídelle os técnicos condutores que non baixen do vehículo baixo ningunha circunstancia para non usar traxes de protección.
Así, nesta instrución, a Xunta pide que para o traslado de casos sospeitosos do COVID 19 se utilice unha ambulancia asistencial de soporte vital básico. E, especifica claramente que o técnico condutor “evitará la interacción con el paciente siempre que la situació particular lo permita, permaneciendo en la cabina de conducción durante todo el servicio sin que exista comunicación abierta hacia la cabina asistencial”.
O 061 entende que, con esta meda, evitaranse “exposicións innecesarias” do persoal de ambulancias e, ademais, se “optimizará” o consumo de equipos de protección individual que recoñece que “son escasos en estes momentos” xa que, deste xeito, o condutor “no usará dicho equipo en la situación referida”. Con todo, a orde indica que, no caso que un só técnico non sexa quen de resolver unha incidencia, tamén o técnico condutor terá que utilizar equipo de protección.
061
Pola súa banda, desdeo 061 remitiron un comunicado a este medio no que aclaran que todas as instrucións e comunicacións realizadas ás empresas concesionarias do servizo de transporte sanitario urxente "realízanse cun dobre obxectivo". "Por unha banda, tratan de minimizar o risco de exposición dos técnicos en emerxencias sanitarias naqueles casos nos que a situación particular o permite e, por outra banda, optimizar o uso dos equipos de protección individual para evitar posibles contaxios polo virus do coronavirus nunha situación extraordinaria de alerta sanitaria", indica esta nota.
CRÍTICAS
A medida está causando polémica entre os traballadores que acusan á Xunta de xogar coa saúde de enfermos e traballadores. Ademais recoñecen a escaseza de equipos de protección individual (EPI). Uns equipos que constan de uniforme, casco, guantes, máscara, gafas de protección e elementos complementarios como as batas desbotables, que son necesarias en casos como o coronavirus.
Nunha ambulancia de soporte vital básico van sempre dous técnicos, un condutor e outro asistencial. Esta medida implicaría tamén un illamento entre os dous, xa que un se está en contacto con enfermos non podería manter relación co seu compañeiro, agás polo interfono do propio vehículo. Con todo, traballadores consultados recoñecen que as direccións das súas empresas (o servizo de ambulancia depende de compañías privadas) xa lles recomendaron que utilicen os dous traxes de protección.
O que si temen é que haxa falta de suministros destes equipos, porque “se hai xa faltan nos hospitais a ver que fan con nós que dependemos de empresas privadas”.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.