Por Europa Press / Redacción | MADRID | 20/03/2020 | Actualizada ás 16:22
A Comisión Permanente do Consello Xeral do Poder Xudicial lembrou este venres que as inscricións de nacementos no Rexistro Civil é unha das actuacións que non quedaron suspendidas pola declaración do estado de alarma, o pasado sábado, 14 de marzo, pola pandemia do coronavirus. Por iso, acordou que todos aqueles procedementos que se atopan dentro do prazo perentorio deberán seguir practicándose.
Este acordo adoptouse para dar resposta á consulta elevada polo presidente do Tribunal Superior de Xustiza da Rexión de Murcia en relación con esta actuación xudicial.
Neste sentido, a Comisión Permanente sinala que xa no acordo adoptado un día antes da declaración do estado de alarma polo órgano de goberno dos xuíces, o Ministerio de Xustiza e a Fiscalía Xeral do Estado, sinala expresamente que o Rexistro Civil deberá asegurar "as inscricións de nacemento en prazo perentorio". Non ocorre o mesmo cos expedientes de inscrición que están fóra de prazo, que deben entenderse suspendidos.
O CGPJ indica que a excepción da suspensión afecta tanto as inscricións cursadas desde os centros sanitarios como ás que se practiquen persoalmente, a condición de que estean dentro do prazo legalmente previsto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.