Cazadas cinco persoas en Ferrol nun mesmo coche que querían ir a Madrid
Xustificaron que era porque tiñan que coller un avión.
Por Galicia Confidencial | Ferrol | 21/03/2020 | Actualizada ás 16:31
O Concello de Ferrol comunicou este sábado que efectivos policiais denunciaron aos cinco ocupantes dun vehículo ao pretenden ir "a Madrid para coller un voo a Arxentina", posibilidade que impide o decreto de estado de alarma en España.
O consistorio valorou que os corpos Local e Nacional de Policía realizaron 104 controis a vehículos na xornada deste venres. "Na súa inmensa maioría, circulaban en medidas correctas de seguridade", engadiu.
O edil de Seguridade, Germán Costoya, instou a que se "cumpran todas as medidas" e matizou que o deste venres foi "un control importante" de turismos. Respecto diso, declarou que se impuxeron "18 sancións entre vehículos e peóns" e referiu como "o máis significativo" o caso das cinco persoas que circulaban nun mesmo coche. Neste sentido, remachou que non está permitido "obviamente" compartir turismo en termos xerais.
"Pode viaxar unha persoa en cada vehículo, foron desaloxados", advertiu o concelleiro. Así mesmo, valorou que o Concello de Ferrol "traballa no servizo á cidadanía; non poden saír á rúa", e apuntou que o despregamento municipal polo estado de alarma "está a funcionar moi ben, está a controlarse perfectamente coas medidas de seguridade".
Finalmente, anunciou o inicio dun servizo de envío a domicilio de alimentos en colaboración coa Cociña Económica local.
