Bulo en Ourense: non se prohibiu o uso de máscaras aos sanitarios en Ourense
O Complexo Hospitalario de Ourense desminte unha información que circulaba polas redes sociais.
Por Galicia Confidencial | Ourense | 21/03/2020 | Actualizada ás 21:30
Nas últimas horas desmentiuse o bulo que circulaba polas redes sociais que apuntaba que o "Centro Hospitalario de Ourense" prohibiu " o uso das máscaras aos sanitarios”. O tuit incluía a captura dun documento onde supostamente se daban esas instrucións.
Con todo, e segundo confirma maldita.es, web especializada en desmintir bulos, en ningún punto do documento aparece dita frase. O que indica a circular é que "non se utilizará ningún tipo de máscara en actividades e lugares que non impliquen un contacto directo con pacientes".
Desde o Complexo Hospitalario de Ourense aseguran que aqueles que si teñen contacto con pacientes con síntomas e que leven a cabo distintos tipos de procedementos si poden facer uso das máscaras.
