Por Europa Press / Redacción | SANTIAGO DE COMPOSTELA | 22/03/2020 | Actualizada ás 14:10
O Consello Galego de Colexios de Médicos reclamaron á Xunta que ofreza a posibilidade de teletraballar ou de acollerse a unha baixa laboral a todas aquelas mulleres sanitarias que estean embarazadas.
O obxectivo é que estas profesionais "non se expoñan a un risco innecesario" ante a "grave crise sanitaria" que afronta a Comunidade e o conxunto do Estado en xeral.
Por este motivo, desde a súa posición, instaron á Consellería de Sanidade a facilitar a opción do teletraballo e que, en caso de non ser posible, considerar a posibilidade dunha baixa laboral.
Tamén explican que desde este departamento do Goberno galego informóuselles de que a dirección do Sergas "está a facer o posible para adaptar o posto de traballo" e así "evitar" todo tipo de risco ás mulleres xestantes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.