Os tripulantes de artes menores de Pontevedra terán un tope de 1.500 quilos de xarda por semana
Todos os barcos doutras artes distintas de arrastre e cerco con porto base na provincia de Pontevedra están obrigados a comunicar á Federación Provincial de Confrarías de Pontevedra as súas capturas semanais.
Por E.P. | SANTIAGO DE COMPOSTELA | 26/03/2020 | Actualizada ás 17:36
A frota de artes menores da provincia de Pontevedra contará cun tope de 1.500 quilos de xarda por tripulante á semana --7.500 quilos por embarcación--, segundo a resolución publicada este xoves polo Boletín Oficial do Estado (BOE).
Así, unha vez terminada a pesca dirixida, as artes distintas de cerco e arrastre terán un tope para pesca accidental dun máximo de 2.000 quilos por embarcación ao mes.
A campaña de xarda arrincou o pasado luns cunha cota adaptada para este ano na provincia de Pontevedra de case 545.000 quilos. O 80% destínase á pesqueira dirixida e o 20% á accidental.
A Federación Provincial de Confrarías de Pontevedra comunicará coa antelación suficiente á Secretaría Xeral de Pesca o momento no que se vaia a alcanzar o consumo da cota reservada á pesca dirixida para que poida establecerse o peche da mesma.
Para iso, todos os barcos doutras artes distintas de arrastre e cerco con porto basee na provincia de Pontevedra están obrigados a comunicar á Federación Provincial de Confrarías de Pontevedra as súas capturas semanais.
