O número de vítimas elévase ata as 115 tras o falecemento de 11 persoas máis

Galicia supera a barreira dos cen mortos, entre eles, cinco falecidos da residencia de Cangas.

Por Europa Press / Redacción | SANTIAGO DE COMPOSTELA | 31/03/2020 | Actualizada ás 23:10

Comparte esta noticia

A morte de 11 persoas nas últimas horas elevou ata 115 o número de falecidos con coronavirus en Galicia, segundo trasladaron as autoridades sanitarias este mércores.

Así, o Sergas informou de 115 vítimas mortais ata o momento, entre as que as se contabilizan os últimos 11 falecidos: catro homes de 70, 78, 79 e 90 anos que morreron no Hospital Álvaro Cunqueiro de Vigo; dous homes de 86 e 92 anos falecidos no Complexo Hospitalario Universitario da Coruña; un home de 86 anos que morreu no Hospital Virxe da Xunqueira de Cee; dous homes de 71 e 91 anos falecidos no Hospital Universitario Lucus Augusti; e unha muller de 85 anos e un home de 88 anos, que morreron no Complexo Hospitalario de Ourense.

Así mesmo, no último cómputo de 115 vítimas mortais do coronavirus tamén se inclúe un residente do centro DomusVi de Cangas, que faleceu a última hora deste martes, e que foi o quinto usuario falecido dese xeriátrico.

Un infectado de coronavirus sendo trasladado en ambulancia ao hospital por persoal sanitario
Un infectado de coronavirus sendo trasladado en ambulancia ao hospital por persoal sanitario | Fonte: © Miguel Núñez

Ademais, cinco son da residencia DomusVI Aldán, en Cangas, que ten 125 contaxiados. Desta forma, esta residencia confirmouse como o principal foco de coronavirus nos centros xeriátricos galegos, con este cinco falecidos, 108 casos activos e 17 traballadores infectados, segundo confirmaron fontes autonómicas. Esta residencia é un dos dous centros privados intervidos pola Xunta (xunto co DomusVi do barrio vigués de Barreiro).

OUTROS FALECIDOS ESTA XORNADA

Ademais, na xornada deste martes tamén faleceron en centros hospitalarios galegos un home de 84 anos e unha muller de 73 que estaban ingresados no Hospital Público de Valdeorras (Ourense) e un home de 77 anos que permanecía no Complexo Hospitalario Universitario de Santiago (CHUS).

A primeira deste martes tamén se informou da morte de tres mulleres de 92, 83 e 75 anos, así como dun home de 92, que estaban ingresados no Hospital Álvaro Cunqueiro de Vigo.

Nas últimas horas tamén morreu un home de 81 anos atendido no Hospital Montecelo de Pontevedra; dous homes de 77 e 70 anos asistidos no Complexo Hospitalario Universitario da Coruña (Chuac) e outro de 71 ingresado no Complexo Hospitalario Universitario de Santiago (Chus).

Ata o momento, a xornada do luns fora na que se rexistraron máis mortes en Galicia de persoas infectadas por coronavirus, cun total de 17 falecidos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta