Por Galicia Confidencial | Santiago | 26/11/2012 | Actualizada ás 14:31
Dende a pasada semana está dispoñíbel Imos?, a guía social de Galicia, para trebellos móbiles con Android. Desenvolvida por GalApPs, Imos? leva liderando a App Store de Apple na categoría "Comidas e bebidas" dende o día do seu lanzamento no verán. Na App Store chegou a ocupar o posto nº 6 no ranking global a nivel español, por diante de aplicacións de renome como Angry Birds ou Apalabrados.
Agora, co lanzamento da versión en Android, o éxito comercial repítese. En menos de catro días Imos? posiciónase como Top 14 no Top Ventas da categoría 'Viaxes e guías' (á que pertence) do Google Play. Ademais, Imos? posiciónase como número 1 no Top Ventas Novo da categoría 'Viaxes e guías' do Google Play.
Trátase dunha guía social de enoloxía, gastronomía e tempo de lecer de Galicia. Nela hai información sobre centos de furanchos, tabernas, sitios de tapas, casas de comidas onde gozar dun bo viño da casa (Albariño, Ribeiro, Barrantes...) e degustar comida da Terra ao longo de toda a xeografía galega. Tamén ten datos sobre máis de 900 praias galegas, os puntos de información turística.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.