"Eu só coñezo os pactos anti Moncloa"... a resposta de Feijóo a Pedro Sánchez

O presidente da Xunta, Alberto Núñez Feijóo, segue instlado na confrontación con Pedro Sánchez e fiel á estratexia marcada polo líders do seu partido, Plabo Casado. Por iso, volveu desbotar de malos xeitos o plan do socialista Pedro Sánchez, de reeditar os Pactos da Moncloa, tendo en conta que --reiterou-- non coñece "a proposta unitaria do Goberno": só os "pactos anti Moncloa".

"Opinar sobre esta proposta é opinar sobre nada porque non coñecemos nada. Só hai un enunciado, pero non coñecemos a música, nin a letra; só coñecemos o título, os coñecidos Pactos da Moncloa", dixo, a preguntas dos medios nunha rolda de prensa telemática.

A continuación, incidiu en que descoñece a proposta "unitaria" do Goberno central como órgano colexiado e engadiu que o que se deu a coñecer "non convida o optimismo". En concreto, apuntou que só se coñece "a esixencia" dos "aliados" parlamentarios de Sánchez de "negociar a autodeterminación" de Euskadi e Cataluña, para que despois o resto de españois "pacten o que queiran". 

"E despois coñecemos o que propón unha parte do Goberno, que parece que está máis preocupado pola república e por cambiar a monarquía parlamentaria que por buscar solucións aos problemas inmediatos que temos", agregou.

"XESTIONAR A REALIDADE"

Nesta conxuntura, tras subliñar que a información da que dispón apunta aos "pactos anti Moncloa" e ao desexo dunha parte do Goberno de "aproveitar un posible pacto para reformular o modelo de convivencia e constitucional en España", concluíu que non analiza a proposta de Sánchez con "moitas expectativas".

Ou Titular Do Goberno Galego Comparece En Para Dar Conta Dá Situación Con Respecto Ao Coronavirus. Xunta de Galicia | Fonte: Europa Press