Ferido un condutor dun coche ao chocar contra un camión en Coles
Por E.P. | OURENSE | 20/04/2020 | Actualizada ás 13:35
Un home foi trasladado na mañá deste luns despois de chocar o vehículo que conducía contra un camión da limpeza cando circulaban pola estrada N-525, á altura do colexio de Cambeo, no muncipio de Coles.
Ata o lugar desprazáronse, ademais dos servizos sanitarios de urxencia, axentes da Garda Civil e efectivos de Protección Civil da localidade, que confirmaron o traslado do condutor do turismo a un centro hospitalario.
Así mesmo, tras recibir a chamada de alerta ás 9,45 horas, a través dunha persoa particular, o 112 Galicia informou os feitos aos Bombeiros do Carballiño-O Ribeiro e aos membros do GES de Pereiro de Aguiar, así como a persoal do servizo de mantemento da estrada.
Segundo indicaron efectivos de Protección Civil ao 112 Galicia, os vehículos xa foron retirados da vía.
