Por E.P. | SANTIAGO DE COMPOSTELA | 26/04/2020 | Actualizada ás 19:08
Un total de 508 persoas son usuarias do servizo de comida a domicilio que mantén activado a concellaría de Benestar Social do Concello da Coruña.
Ademais, desde que empezou estado de alarma o mesmo goberno local entregou 250 menús nos comedores de Monte Alto e Novoboandanza no marco do programa de comedores sociais.
Así o explicou este domingo o concello coruñés nun comunicado, no que precisou que 51 das 508 persoas que reciben comida a domicilio foron dadas de alta "de urxencia" neste servizo desde que comezou o estado de alarma.
Desta maneira reforzáronse os servizos sociais co obxectivo de "dar unha resposta inmediata" ás necesidades das veciñas e veciños que se atopan nunha situación de vulnerabilidade.
378 CHAMADAS DE MAIORES
Coa mesma meta a administración local impulsou un servizo de liña telefónica para atender os máis maiores da cidade herculina.
Desde a súa posta en marcha, o pasado 31 de marzo, atendeu 378 chamadas e é unha iniciativa que xurdiu para acompañar as persoas maiores que vivan soas, para que poidan levar mellor o confinamento.
Está destinado a todos aqueles que "carecen de soporte familiar ou social, non teñen acceso aos contidos dixitais ou queren conversar un momento con alguén", explica o concello.
A liña é gratuíta, o teléfono dispoñible é o 900 920 500 e nela responden 31 persoas voluntarias da cidade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.