Sen novidades sobre un septuaxenario desaparecido en Ourense "preocupado pola pandemia"
O home supostamente "estaba preocupado pola pandemia" e presentaba posiblemente algún cadro de depresión.
Por Europa Press / Redacción | OURENSE | 28/04/2020 | Actualizada ás 10:54
A Unidade de Atención á Familia e Muller (UFAM) da Policía Nacional de Ourense continúa coa investigación no marco da procura dun home septuaxenario desaparecido desde o venres na capital ourensá.
Segundo informaron a Europa Press fontes policiais consultadas, "séguese buscando" a este home desaparecido, pero "sen novidade" ata o momento, engadiron.
Un familiar do home de 72 anos desaparecido denunciou a súa ausencia desde a mañá do venres pasado. O home supostamente "estaba preocupado pola pandemia" e presentaba posiblemente algún cadro de depresión, apuntaron as mesmas fontes. Por iso, a UFAM da Policía Nacional continúa as pescudas "investigando distintas vías", apostilaron.
