A Xunta validará cos seus expertos a apertura das garderías, tras non convencerlle o decreto de Madrid
O Goberno central dixo que só se abrirán para os pais que non poden coidalos por motivos laborais.
Por Europa Press / Redacción | SANTIAGO DE COMPOSTELA | 29/04/2020 | Actualizada ás 18:57
O presidente da Xunta, Alberto Núñez Feijóo, afirmou que o seu Executivo aspira a "mellorar" o plan de desescalada que avanzou o presidente do Goberno, Pedro Sánchez, e tratará de que "se aclare ese concepto difuso e confuso que é a apertura das gardarías".
Tamén explicou que, antes de formular a súa postura, o Executivo autonómico "validará" cos expertos clínicos do Sergas que risco poden ter os nenos se volven ás gardarías.
En todo caso, criticou que o criterio co que traballa o Goberno central sexa "se os pais teñen traballo ou non". "Non se o que pensarán os pais que non teñen, que o perderon ou o van a perder. Con iso si que non estamos de acordo", advertiu.
