Afundación retransmite este luns a quinta sesión 'en liña' do Foro Vino XXI e unha clase de ioga
Ademais, a quinta sesión do Foro Vino XXI estará liderada por Raúl Pérez, de Raúl Pérez Bodegas y Viñedos, quen foi nomeado dúas veces como mellor enólogo do mundo e é un dos máis admirados polas novas xeracións de produtores españois.
Por Europa Press / Redacción | SANTIAGO DE COMPOSTELA | 03/05/2020 | Actualizada ás 14:37
Afundación, a obra social de Abanca, ofrece este luns, a partir das 19,30 horas, a quinta sesión 'en liña' do Foro Vino XXI, e unha clase de ioga ás 11,00 horas.
O Foro Vino XXI, segundo informa a entidade financeira, é un proxecto que agrupa a "varias persoas influentes" da enoloxía galega durante o século actual.
En concreto, será o director do Instituto Galego do Viño, Xoán Cannas, quen faga de interlocutor nunha sesión que ofrecerá os coñecementos de viticultores, adegueiros, catadores e distribuidores de Galicia de primeira man.
Ademais, a quinta sesión do Foro Vino XXI estará liderada por Raúl Pérez, de Raúl Pérez Bodegas y Viñedos, quen foi nomeado dúas veces como mellor enólogo do mundo e é un dos máis admirados polas novas xeracións de produtores españois.
SESIÓN DE IOGA
Tamén durante a próxima xornada celebrarase unha nova sesión de 'Benestar e ioga', inspirada nas actividades que, de maneira habitual, viñan desenvolvendo nos seus espazos para persoas de máis de 60 anos.
O obxectivo é seguir coidando a saúde e promover os bos hábitos. Así, todos os luns e xoves Sandra Roco conduce unha sesión de *Benestar e ioga* en directo a partir das 11.00 h para todas as persoas que se inscriban aquí a través da web de 'Afundación na casa'.
