Un concelleiro de Betanzos pide desculpas tras ser sosprendido bebendo na rúa durante o estado de alarma
Xunto ao concelleiro tamén estaba un gripo de voluntarios de Protección Civil durante o "descanso" que fixeron logo dos labores de desinfección. O edil di que se lle piden a dimisión "eu fágoo".
Por Europa Press / Redacción | A CORUÑA | 04/05/2020 | Actualizada ás 18:41
Un concelleiro do Concello de Betanzos o socialista Andrés Teijo Hermida pediu "perdón" tras as imaxes difundidas en redes sociais sobre el mesmo e voluntarios de Protección Civil deste municipio --uno deles tamén edil-- que aparecen tomando unhas bebidas no exterior dunha nave, no que, segundo se denunciou por redes sociais, tivo lugar tamén unha 'churrascada'.
En declaracións a Europa Press, sobre uns feitos dos que se difundiron foto e vídeos a través das redes sociais este fin de semana, o xefe de Protección Civil de Betanzos, Santiago Ois, asegurou que as imaxes foron tomadas onde o persoal da agrupación fai "un descanso" tras os labores de desinfección ou outras tarefas que levan a cabo no actual estado de alarma.
"Non foi correcto estar aí fóra", admitiu, no entanto, en referencia a unhas imaxes nas que se lles ve tomando unhas bebidas a un grupo de persoas sen gardar as medidas de seguridade requiridas no actual contexto de crise sanitaria e sen medios de protección.
"Se me di a alcaldesa que presente a miña dimisión fágoo", dixo ao ser preguntado se se expuxo esta opción. Mentres, sobre a polémica xurdida pola presenza de dous concelleiros, sinalou que un deles, Andrés Panelo, estaba alí como voluntario de Protección Civil, coa que colabora, segundo precisou, desde hai anos.
No caso de Andrés Teijo Hermida, precisou que é o concelleiro que se está encargando de supervisar as tarefas que leva a cabo Protección Civil neste municipio. Mentres, este concelleiro, nun comunicado, explica que a súa presenza coincidiu coa cea e que se desprazou ao lugar "para entregar unhas chaves e falar sobre a primeira xornada de horarios para practicar deporte e camiñar que se estaba producindo ese día", sinala sobre o pasado sábado.
"LONGAS HORAS DE TRABALLO"
Confirma tamén, como o responsable de Protección Civil, que os feitos se produciron nunha nave que utiliza durante o estado de alarma a agrupación de voluntarios e que a mesma a usan, ademais, para "xantar e cear" tras "longas horas de traballo".
Sobre ese día, insiste en que acudiu tras a chamada do responsable de Protección Civil e co obxectivo tamén de coordinar as actuacións do domingo. "Coincidiu a miña presenza coa cea que estaban a preparar os voluntarios" e á que confirma que non asistiu.
"Si, pola contra, aceptei a súa invitación de tomar algo", recoñece en referencia ás imaxes difundidas, aínda que engade que a súa estancia alí "non superou o cuarto de hora". Por estes feitos que "lamenta", pide "desculpas" e tamén "perdón".
E é que sobre a situación indica que foi provocada "polo momento en si". "E sen pararme a pensar, nese momento, en que non era o adecuado". "Non debín aceptar a invitación, pero, insisto, nese momento non valorei na súa xusta medida a situación", conclúe o seu comunicado.
RESPOSTA MUNICIPAL
Sobre o sucedido, desde o Concello de Betanzos, asegúrase que as imaxes difundidas son "de xeito evidente inapropiadas na situación de estado de alarma na que nos atopamos". "E en ningún caso xustificables".
A pesar diso, pide que non se utilicen "para danar a imaxe de Protección Civil e os seus voluntarios". "Que fixeron e seguen facendo un traballo impagable durante esta crise con longas quendas de traballo tanto de día como de noite".
En referencia aos seus labores de desinfección ou de repartición de alimentos e fármacos, entre outras actuacións, insta a que este labor non se vexa embazada "por un comportamento inaduecuado polo que Protección Civil e os seus voluntarios xa pediron desculpas".
O PP ESIXE EXPLICACIÓNS
Mentres, a portavoz do Partido Popular de Betanzos, Cecilia Vázquez, pediu explicacións ao concello sobre a presenza de dous concelleiros "nun espazo público sen gardar as medidas de seguridade".
"Os dous cargos políticos aparecen nas circunstancias descritas, nun vídeo gravado este sábado, que en poucas horas fíxose viral e que ha xerando gran preocupación entre a poboación do municipio", remarca sobre o sucedido.
Este sentido, explica que trasladou á alcaldesa, María Barral, a súa preocupación "pola situación de alarma creada polos concelleiros". Tamén sostén que "pola tranquilidade e a seguridade dos veciños" espera que o concello aclare o ocorrido. "Un comportamento que probablemente supuxo un quebranto da lei por parte dos dous edís pertencentes ao grupo de goberno, co consecuente risco potencial de contaxio", insiste.
