Por Galicia Confidencial | Santiago de Compostela | 05/05/2020 | Actualizada ás 21:00
Un grupo de profesores interinos e substitutos da plataforma #OPOñomeaestaOPO, denuncian que se está danando á comunidade educativa, tanto profesores como alumnado. O motivo é que coa emerxencia da COVID-19, suspendéronse os chamamentos de substitución para cubrir baixas de docentes en activo. Desta maneira estaríase incumprindo unha serie de puntos do acordo do 20 de xuño de 1995 sobre substitucións.
Entre outros, que non se cubran as substitucións cunha antelación máxima de tres días lectivos. Neste sentido, o colectivo denuncia que existen vacantes sen cubrir desde hai semanas. Tampouco se está respectando o horario dos chamamentos para substitucións.
O colectivo OPOñomeaestaOPO sinala que se corre o risco de crear un mal antecedente de precariedade nas substitucións de cara ó futuro. Ademais, non se está a reforzar aos docentes que teletraballan e deben conciliar coa vida familiar. A isto suman que coa crise económica quedan no paro centos de profesores sen poder acollerse a ERTEs, deixándoos en situacións complexas.
Por último, sinalan que tras a reunión entre Consellería de Educación e directores de centros educativos, despois de Semana Santa só se cubrirían os postos inprescindibles. Indican que a emerxencia sanitaria non debe xustificar a falta de chamamentos. Isto está creando unha gran merma de calidade no ensino.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.