Temas: MOBILIDADE CONFINAMENTO DATOS GALICIA CORONAVIRUS PANDEMIA COVID-19 POBOACIóN EPIDEMIA GOOGLE

Así controla Google como se moven os galegos durante o confinamento pola COVID-19

Liberou unha base de datos onde se pode ver que a mobilidade da poboación desde o inicio da pandemia.

Por Europa Press / Redacción | MADRID | 07/05/2020 | Actualizada ás 12:00

Gobernos e empresas privadas de todo o mundo están, coincidindo coa epidemia do coronavirus, liberando datos sobre movementos de usuarios de teléfonos móbiles co obxectivo de controlar as restricccións impostas para combatelo. Uns datos que amosan como cambiou a mobilidade da xente durante estes dous meses.

Unha desas empresas é Google, que mantén unha base de datos actualizada sobre a mobilidade de usuarios cunha conta Google que teñen activadas as opcións de xeolocalización. Para iso, Google compara o número de desprazamentos e o tempo que os usuarios pasan en lugares como tendas de alimentación ou zonas residenciais en comparación con xaneiro e febreiro, cando non se declarou a epidemia.

Estes gráficos mostran o cambio do número de desprazamentos e tempo en cada lugar en Galicia para distintos tipos de lugares.